Дыванок «Ад прадзедаў спакон вякоў мне засталася спадчына»

Дэкаратыўны дыванок «Ад прадзедаў спакон вякоў мне засталася спадчына / Нашто ты мяне пакінуў, Ойча».

Гэтая праца — адна з самых моцных і канцэптуальных у калекцыі Макса Осіпава. Сюжэт падзелены на дзве часткі і напоўнены тонкай іроніяй, дзіцячымі ўспамінамі і рэфлексіяй над беларускім космасам.

Верхняя частка — іранічны мост паміж Шэкспіраўскім Гамлетам і знакамітым вершам Янкі Купалы 1918 года. Герой з чэрапам у руцэ і рыдлёўкай стаіць пасярод містычных могілак, якія выглядаюць як акуратная і ідэальная сямейная аградка. Гэта візуальная прытча пра нашае спецыфічнае пачуццё ўласнасці, памяць і тое, што мы пакідаем наступным пакаленням — краіну ці толькі агароджаныя косці.

Ніжняя частка — ілюстрацыя да біблейскага сюжэту «Хаджэнне па водах», дзе Езус ужо знік, а святы Пётра амаль патануў у цёмнай вадзе на вачах у іншых апосталаў.

Дыванок «Ад прадзедаў спакон вякоў мне засталася спадчына» — ідэальны выбар для людзей, якія шануюць непакорнае, глыбокае і шматслойнае мастацтва, здольнае задаваць складаныя пытанні аб нашай культуры і гісторыі.

Тэхніка: высакаякасны пігментны друк (Giclée).
Матэрыял: 100 % натуральная бавоўна (палатно), якая ідэальна перадае інтэнсіўнасць колераў і фактуру арыгінала.
Памер: 40 x 63 см.
Аўтар: Макс Осіпаў.
Выданне: лімітаваная копія.