Паэтычны зборнік Рамана Абрамчука «Вершы для храмаў, сіза, ічу».

У зборнік увайшлі вершы, напісаныя ў перыяд з восені 2020 г. па 2024 г., прысвечаныя пратэстам, эміграцыі, вайне, палітзняволеным.

Ілюстрацыя: Аркадзь Бруснічнік.

Рэдактар: Наста Кудасава.

Карэктар: Наталля Русецкая

Hochroth Minsk Berlin, 2024.

Раман Абрамчук нарадзіўся ў Мінску, скончыў Беларускі дзяржаўны ўніверсітэт культуры і мастацтваў, таксама навучаўся ў Школе маладых літаратараў Саюза беларускіх пісьменнікаў. Раннія творы былі апублікаваны ў канцы 2000-х гг. на сайце газеты «Наша ніва», пазней паэтычныя нізкі і абразкі з’яўляліся на партале «Textura», друкаваліся ў газетах «Літаратура і Мастацтва», «Беларусь Літаратурная». Удзельнічаў у чытаннях партала «Textura», музычна-літаратурнага праекта «Вежа міру», фестывалю «Справа». У 2018-м годзе стаў адным з лаўрэатаў літаратурнага конкурсу «Фэст аднаго верша». У 2022-м годзе нізка вершаў на тэму пратэстаў, эміграцыі і вайны была перакладзена на восем еўрапейскіх моў у рамках праекта «Free All Words». Раман вядомы таксама як аўтар-выканаўца і лідар мінскага гурта «Гарадскі вал» – у перыяд 2010–2020 гг. запісаў некалькі студыйных альбомаў і сінглаў на ўласныя тэксты і вершы іншых беларускіх паэтаў. Жыве ў Варшаве.